വചനവിചാരങ്ങള്‍ 117

വചനം:
അവന്റെ അമ്മ ഇക്കാര്യങ്ങളെല്ലാം ഹൃദയത്തില്‍ സംഗ്രഹിച്ചു. (ലൂക്കാ 2, 51)

വിചാരം:
ആനന്ദം അലതല്ലിയ നിമിഷങ്ങളിലൊന്നും അവൾ അതിരറ്റു സന്തോഷിച്ചില്ല. സങ്കടക്കടൽ ഇരമ്പി വന്നപ്പോൾ അവൾ തളർന്നു പോയുമില്ല. പകരം, സംഭവിച്ചതെല്ലാം ഹൃദയത്തിൽ സ്വരുക്കൂട്ടി വച്ചിട്ട്‌‌, ദൈവഹിതം ആരാഞ്ഞു കൊണ്ടേയിരുന്നു. അഴുക്കു പുരളാത്ത അമ്മഹൃദയമേ, ചെളി പുരണ്ട ഈ നെഞ്ചിനെ നിന്നോട്‌ ഞാനൊന്നു ചേർത്തുവച്ചോട്ടെ!
പുണ്യം പൂവിടട്ടെ സുഹൃത്തേ, നിന്റെ ജീവിത വഴികളിൽ!!!
(വിമല ഹൃദയ തിരുനാള്‍, 9-6-2018)